कपिलवस्तुको शिवराज नगरपालिपालिका वडा नं. एकले डेङ्गु, आँखा पाक्ने रोग सम्बन्धी वडा स्तरीय सचेतना तथा अभिभुखीकरण कार्यक्रम सम्पन्न गरेको छ ।
आधारभुत स्वास्थ्य केन्द्र शिवपुरको आयोजनामा सम्पन्न भएको कार्यक्रममा डेङ्गु रोग लक्षण र रोकथामका उपायका बारेमा जानकारी गराइएको थियो।
कार्यक्रममा शिवराज नगरपालिका वडा न. १ का वडा अध्यक्ष खिम बिक्रम केसीले विभिन्न संघ संस्थाका प्रतिनिधि सहित आयोजना गरिएको अभिभुखिकरण कार्यक्रमले डेङ्गु रोग सम्बन्धी सचेतना जनताको बिचमा पुर्याउनका लागि सहयोग पुग्ने बताउनुभयो । डेङ्गुबाट बच्नका लागी सबै नागरिक खोज र नष्ट गर अभियानमा लाग्नुपर्ने उँहाको भनाई थियो।
वडा अध्यक्ष केसीको अध्यक्षतामा सम्पन्न कार्यक्रममा विभिन्न क्लबका पदाधिकारी, संघसस्थाका पदाधिकारी, स्वास्थ्य कार्यालयका प्रतिनिधि,महिला स्वयंसेविका,विभिन्न महिला समूह तथा नागरिक समाजको उपस्तिथिमा आइ फ्लू (आँखा ) पाक्ने समस्या र डेङगु रोग कसरी सर्छ र यस्को रोकथाम कसरी गर्न सकिन्छ भन्ने बारे छलफल भएको थियो ।
