रुपन्देहीको जंगलमा प्रेमिकाको हत्या गरी दुई बर्षदेखि फरार रहेका व्यक्ति पक्राउ परेका छन् ७ महिनाकी गर्भवती प्रमेकाको हत्यामा गरि फरार रहेका कपिलवस्तुको शिवराज नगरपालिका( ७ निवासी ३६ बर्षीय काशिराम मुराउ पक्राउ परेको ईलाका प्रहरी कार्यालय सालझण्डीले जानकारी दिएको छ ।
।दुई बर्षदेखि फरार रहेका मुराउलाई यही भदौ १६ गते पक्राउ गरिएको ईलाका प्रहरी कार्यालय सालझण्डीले जनाएको छ । मृतक महिलाको घर गुल्मी साविक अर्खवाङ गाविस( २ भई रुपन्देहीको तिलोत्तमा नगरपालिका(३ मा बस्ने गरेको र उनको पुर्व श्रिमान तर्फ दुई छोरी समेत रहेका थिए ।
२०७७ साल माघ १० गते दिउँसो रुपन्देहीको सैनामैना नगरपालिका( ११ शितलापुर फायरलाईन महेन्द्र राजमार्गदेखि दक्षिणतर्फ रहेको शान्ति सामुदायिक बनको घना जंगलमा सात महिनाको गर्भ समेत पेटमा रहेकी ३४ बर्षीय ‘वसन्ती’ भन्ने धन कुमारी अर्यालको शव वेवारिसे अवस्थामा फेला परेका थियो ।
मृतक वसन्ता र प्रतिवादी काशीराम मुराउ बिच विगत ४ बर्ष पहिले देखि प्रेम सम्बन्ध रहेको प्रहरीको अनुसन्धानबाट खुलेको ईलाका प्रहरी कार्यालय सालझण्डीले जानकारी दिएको छ ।
यता प्रतिवादी मुराउको घरमा पनि श्रिमति, तिन छोरी र एक छोरा समेत थिए ।अवैध सम्बन्धबाट गर्भ रहन गएकाले मुराउले प्रेमिका वसन्तालाई जंगलमा लई घाँटी थिचेर हत्या गरी रुखमा बाँधेर फरार भएको प्रहरीको अनुसन्धानबाट खुलासा भएको प्रहरीले जनाएको छ ।प्रहरीले अनुसन्धान गर्ने क्रममा वुवाबाट महिलाको सनाखत गराएकोमा मृतकका बुबाले काशिराम मुराउले नै आफ्नी छोरीको हत्या गरेको भनि प्रहरीमा किटानी जाहेरी दिएपश्चात प्रहरीले थप अनुसन्धानको क्रममा काशिराम मुराउलाई पक्राउ गरी ज्यान सम्बन्धी कसुरमा अदालतबाट म्याद थप गरी थप अनुसन्धान भैरहेको भनी प्रहरी निरिक्षक जगन्नाथ मरासीनिले बताए ।
के थियो घटनाक्रमः
मृतक वसन्ता र प्रतिवादी काशीराम मुराउ बिच विगत ४ बर्ष पहिले देखी प्रेम सन्बन्ध रहेकोमा निज प्रतिवादीको घरमा श्रिमति तिन छोरी र एक छोरा समेत रहेका , अवैध सम्बन्ध बाट गर्भ रहन गएकाले निज प्रतिवादी काशिराम मुराउले प्रेमिका वसन्तालाई जंगलमा लगी घाटि थिचि हत्या गरी रुखमा वाधि फरार रहेको कुरा हाल खुल्न आएको
मृतकका बुवा वर्ष ७० का भक्तिराम अर्यालले आफ्नी छोरी वसन्ता भन्ने धन कुमारी अर्याललाई निजले लगाएका आफुले किनि दिएको घडि आमाले दिएको कालो घडी र हातमा रहेको टाटु, अनुहारको वनावटका आधारमा सनाखत गरेका,
फायरलाईन जंगलमा घाँस काट्न गएका स्थानिय व्यक्तिले एक गर्भवति महिलाको हत्या भएको अवस्थाको लाश देखेपछि ईलाका प्रहरी कार्यालय सालझण्डी प्रहरीलाई खबर गर्दछन् ।
तत्काल घटनास्थल पुगेको प्रहरीले पुर्वपश्चिम महेन्द्र राजमार्गबाट ८ सय मिटर घना जंगलभित्र पँहेलो स्वेटरले घाँटी कसी रुखको फेँदमा बाँधी हत्या गरिएको र अनुहारमा किरा परिसकेको अवस्थाको उक्त वेवारिशे महिलाको लाशको घटनास्थल र लाशजाँच मुचुल्का गरी पोस्टमार्टमका लागि उक्त वेवारिसे लाशलाई प्रादेशिक अस्पताल बुटबल पठाउँछ ।
सो पश्चात प्रहरीले ति महिला को हुन् र कहाँकि बासिन्दा हुन् भन्ने कुरा पत्ता लगाउन चौतर्फि खोजतलास गर्दछ तर पनि लाशको सनाखत नै हुन नसकेपछि उक्त ज्यान मुद्दाको फाईल हालको साउन महिना सम्म पेन्डिङ अवस्थामा नै रहेको हुन्छ ।
ईलाका प्रहरी कार्यालय सालझण्डीमा कार्यालय प्रमुखको रुपमा प्रहरी निरीक्षक जगन्नाथ मरासिनी आए पश्चात पेन्डिङमा रहेको मुद्दाको थप अनुसन्धान गर्ने क्रममा लुम्बिनी प्रदेशका विभिन्न जिल्ला प्रहरी कार्यालयमा २०७७ सालभर हराई हालसम्म पनि फेला नपरेका महिलाहरुको विवरण मगाएर अनुसन्धान गर्छन् तर पनि कहिँकतै कुनै पनि जिल्लामा उक्त हत्या गरिएकी महिलाको सम्बन्धमा कुनै पनि उजुरी वा खोजतलासको लागि दिएको निवेदन समेत फेला पर्दैन ।
त्यस पश्चात प्रहरीले ति महिलाको लाशको फोटो र उनले लगाएको कपडा, घडी र माला लिइ स्थलगत रुपमै खोजि गर्दछ । रुपन्देही जिल्लामा केहि पत्ता नलागेपछि कपिलवस्तु जिल्लाका बिभिन्न स्थानमा खोजतलासको लागि सई मधु मरासिनीको कमाण्डमा प्रहरी टोली नै खटिई गई अनुसन्धानको क्रममा यहि साउन महिनामा उक्त हत्या गरी छाडिएकी महिला गुल्मी जिल्ला साविक अर्खवाङ वडा नं २ की ३५ बर्षिया बसन्ती भन्ने धनकुमारी अर्याल रहेको खुल्न आउँछ ।
त्यसपछि प्रहरीले उक्त महिलाका बुबा बर्ष ७० का भक्तिराम अर्याललाई गुल्मीबाट झिकाई उक्त लाशको सनाखत गराएको थियो । बुबा भक्तिराम अर्यालले लाशको हातमा भएको टाटु, आफ्नी श्रीमतीलाई भनि किनिदिएको घडि श्रीमतीले आफूलाई छोडेर जाँदा नलगेपछि चिनोको रुपमा छोरीलाई दिएको र उनले लगाएको कालो माला र अनुहारको बनावटबाट छोरीको सनाखत गरेका थिए ।
बसन्ती आफैँले नै १५/१६ वर्षको उमेरमा बिहे गरी घरबाट टाढा भएकि थिईन । यसैक्रममा बुटबलको मगरघाटमा बस्ने क्रममा २०७३ सालतिर उनको कपिलवस्तु शिवराज ७ का काशिराम मुराउसँग भेट हुन्छ जुन समयमा उनि मिस्त्री काम गर्ने भोला लोहारसँग दुईछोरीको साथमा बसिरहेकि हुन्छिन्।
कपिलवस्तुको शिवराज न.पा ७ जहभारी बस्ने ३६ बर्षिया काशिराम मुराउ ३ छोरी एक छोराको बाबु हुन्छन् र घरमा श्रीमती समेत हुन्छिन । बसन्तीसँगको प्रेममा परेका लोडर ड्राईभर काशिरामको बसन्तीसँग यौन सम्बन्ध समेत हुन्छ र बसन्ती गर्भवति भएपछि दुबैजना कपिलबस्तुको बुद्धभूमी नगरपालिकास्थित बुड्डी भन्ने स्थानमा २०७७ सालको बैशाखको अन्तिम हप्तादेखि कोठा भाडामा लिएर बसोबास गर्दछन् ।
सोहि बुड्डीमा बसिरहेको समयमा बसन्तीले घरमा बुबा भक्तिराम अर्याललाई फोन गरी हाल आफू काशिराम मुराउसँग रहेको र उनकै गर्भ समेत रहेकाले आफू चैत महिनातिर सुत्केरी हुने भएकिले घिउ बेसार समेत पठाईदिन भन्छिन् । तर सो समयमा काशिरामले बारम्बार गर्भ फाल्नको लागि दवाब दिन्छन् । सो दबाब दिएको कुरामा बारम्बार झगडा भएको र आफूलाई गर्भकै कारण काशिरामले आफ्नो हत्या समेत गर्न सक्ने कुरा बसन्तीले आफ्नी एक साथिलाई बताउँछिन् ।
यसै क्रममा २०७७ सालको पुस महिनाको अन्तिम हप्ता तिर बुटवल गएकी वसन्तिलाई काशिराम मुराउ आफै बुटबल फुलबारि सम्म लिन गई सालझण्डी सम्म बसमा लिइ आई सालझण्डीमा लोकल रक्सि र दालमोट किनी आफुलाई सालझण्डी बजारमा मानिसहरुले चिन्ने हुनाले नजिकैको जंगलमा जाउ उतै रक्सी खाई रमाईलो गरौला भनी दिउसोको करिब तिन बजे तिर फायरलाईन जंगलमा लिई गई रक्सि सेवन गराई सो समय र स्थानमा आफैले लगाएको गलबन्धीले महिलाको घाटि कसी हत्या गरी लाश नचिनियोस भनेर महिलाले लगाएको स्युटरले मुखमा बेरी नजिकैको रुखमा बाधि दिई उक्त रक्सिको बोतल र महिलाले लगाएका चप्पलहरु समेत वाणगगां नदिमा बगाई दिई फरार भएको कुरा अनुसन्धानको क्रममा हाल खुल्न आएको ।
हत्या भएको केही समय पछि निजै काशिराम मुराउले बसन्ताका वुवालाई फोन गरी वसन्ता हराएकी छिन मैले खोजि रहेकी छु, प्रहरी समेतमा मैले नै खबर गरेको छु तपाईले केहि गर्न पर्दैन भनी फोन गर्ने गरेका थिए ।कतै कुनै माध्यमबाट बुवाले केही थाहा पाएकि भन्ने कुरा बुझ्नको लागी २०७९ सालको वैशाख महिना सम्म समेत बसन्तीको वारेमा केही पत्तो पाउनु भयो भएन भनी गाउमा बस्ने वसन्तिका ७० बर्षीया वुवा भक्तिराम अर्याललाई सोध्ने गरेका थिए ।
