कपिलवस्तु-मंसिर ४ गते हुने प्रतिनिधिसभा र प्रदेशसभा सदस्य निर्वाचनको मिति नजिकिएसंगै कपिलवस्तु क्षेत्र न ३ मा एमाले तर्फबाट उम्मेदवार बनेका उम्मेदवारहरुले प्रचारप्रसारलाई तीव्र रुपमा अगाडि बढाएका छन ।
यतिवेला प्रतिनिधिसभा तर्फका उम्मेदवार मंगल प्रसाद गुप्ता र प्रदेशसभा सदस्यका उम्मेदवारहरु अर्जुन कुमार के सी , रजाउ खाँ र प्रतिनिधि सभा तर्फ समानुपातिकका उम्मेदवार सराज अहमद फारुकि यतिखेर आफना विकासे योजनासहित मत माग्न जनताको घरदैलोमा पुग्न थालेपछि यस क्षेत्रमा चुनावी माहोल तातेको छ ।
नेकपा एमाले कपिलवस्तु क्षेत्र नं. ३ (१) प्रदेश सभा सदस्यका उम्मेद्वार अर्जुन कुमार के सी ले केपी शर्मा ओलीको नेतृत्वमा भएका समयमा भएका विकास निर्माणका काम काम नै एमालेले जित्ने मुख्य आधार रहेको बताउनु भएको छ । साथै आफुले पटक पटक सरकार परिवर्त हुदा पनि आफु सांसको हैसियतले यस क्षेत्रमा ल्याएका योजनाले आफनो जित सहज रहेको दावि गर्नु भयो ।
साथै उहाँले भन्नु भयो यस क्षेत्रमा एमालेको सांगठनिक संरचना र आफुले यस क्षेत्रमा पारेका योजनाहरु जितको आधार रहेको बताउनु भयो ।पाँच वर्षको कार्याकालमा साना ठुला गरी सयौं अल्पकालीन र दीर्घकालीन योजना ल्याएको भन्दै आगामि दिनमा पनि यस क्षेत्रका नागरीकहरुले प्रत्यक्ष रुपमा महसुस गर्ने खालका योजना र विकासका मुद्द्धा अगाडि सार्ने बताउनु भयो । साथै शिक्षा र स्वास्थ्य, कृषि लगायत पुर्वाधार विकास तर्फ नागरीकले प्रत्यक्ष लाभ लिने योजना ल्याउने बताउनु भयो ।
