नेकपा एकिकृत समाजवादिले कपिलवस्तुको रुद्रपुरमा पार्टी सम्पर्क कार्यालय उद्घाटन गरेको छ । पार्टी वडा अध्यक्ष सहबुदिन खानको अध्यक्षता तथा नेकपा एकीकृत समाजवादीका केन्द्रिय सदस्य एवम कपिलवस्तु जिल्ला इन्चार्ज क्षेत्र बहादुर खत्रीको प्रमुख आतिथ्यतामा पार्टी सम्पर्क कार्यालय कपिलवस्तुको क्षेत्र ३ ( १) अन्तर्गत शिवराज नगरपालिका वडा नम्बर ७ रुद्रपुर चोकमा कार्यलय उद्घाटन गरिएको हो ।
उद्घाटन सत्रलाई सम्बोधन गर्दै प्रमुख अतिथि खत्रीले आगामी मंसिर ४ गते हुने चुनावको तयारी तिब्र पारी प्रदेश सभा सदस्य जिबलाल पौडेलको टिमलाइ जित हासिल गर्ने गरि परिचालन हुन कार्याकर्ताहरुलाइ निर्देशन दिनुभयो ।
कार्यक्रमलाई सम्बोधन गर्दै प्रदेशसभा सदस्य क का उम्मेद्बार जिवलाल पौडेलले आफ्नो जित सुनिश्चित रहेको बताउदै सम्पुर्ण क्षेत्र नम्बर १ क का सम्पूर्णलाइ मतदान गर्न आग्रह गर्नुभयो ।
शिवराज नगरपालिकाका अन्य वडामा समेत कार्यालय उद्घाटन गरिएको र घरदैलो कार्याक्रमलाई समेत तिब्र पारिएको पौडेलले बताउनु भयो । कार्यक्रमलाई केन्द्रिय सदस्य मिना परियार अहमदअब्दुल रउफ जिल्ला अध्यक्ष लंक बहादुर हमाल लगाएतले संबोधन गर्नु भएको थियो । कार्यक्रम नगर अध्यक्ष सरोज पौडेलको संचालनमा सम्पन्न भएको थियो ।
