राम अवतार चौधरी ,१८ चैत ।नयाँबस्ति दुग्ध उत्पादन सहकारी संस्थाकाे साधारणसभा सम्पन्न भएकाे छ । जिल्लाको शिवराज नगरपालिका-११, नयाँबस्तिमा रहेकाे सहकारीको ३०औं साधारणसभा शनिबार सम्पन्न भएकाे सहकारीले जनाएकाे छ ।
लुम्बिनी प्रदेश सभा सदस्य अर्जुन कुमार केसीले आर्थिक पाटाेलाई मजबुत बनाउँदै सहकारीले सामाजिक गतिविधिमा प्रभावकारी भुमिका खेल्ने बताए । ग्रामीण भेगलाई मध्यनजर गर्दै सञ्चालन गरिएकाे दुग्ध संकलन केन्द्रले आम स्थानीयकाे समस्या समाधान गर्न ज्वलन्त उदाहरण भएकाे केसीले उल्लेख गरे ।
यसैबीच शिवराज नगरपालिका-११ का वडा अध्यक्ष रामेश्वर बर्माले लामाे समयदेखि सञ्चालनमा रहेकाे सहकारीले स्थानीय समुदायका पशुपालकलाई सकारात्मक प्रभाव पारेकाे बताए । दुग्ध संकलन गर्न टाटा जानुपर्ने बाध्यता हटेकाे उनले दाबी गरे । वडा नम्बर ३ का वडा अध्यक्ष टेकलाल सापकोटाले पशुपालक किसानलाई सहकारीले टेवा पुगेकाे बताए । सहकारीले दुग्ध संकलन मात्रै नभएर अब कृषकलाई मल खाद लगायत कृषिजन्य वस्तु उपलब्ध गराउने कार्य सराहनीय रहेकाे जनाए ।
नेपाल डेरी एसाेसियसन ग्लाेबल डेरीका अध्यक्ष थानेश्वर न्याैपानेले देशलाई समृद्ध बनाउन सहकारीले उत्पादनमूलक कार्यमा लगानी गरेकाे बताए । कृषकले उत्पादन गरेकाे दुग्ध सहकारीले संकलन केन्द्र सञ्चालन गरि सराहनीय कार्य गरेकाे उनले प्रशंसा गरे । यत्रतत्र छरिएर रहेकाे किसानकाे मर्म बुझि सहकारी स्थापना गरिएकाे दावी गरे ।
सहकारीले गत आर्थिक बर्ष २०७८-०७९ मा २ कराेड ४१ लाख ४९ हजार ९ सय २८ रुपैयाँको काराेबार गरेकाे वार्षिक प्रतिवेदनमा उल्लेख छ । सहकारीको डेरीमा लामाे समयदेखि गाउँघरबाट संकलन गरि ल्याउने स्थानीय १२ कृषकलाई ठेकी र खादाले सम्मान समेत गरिएको सहकारीले जनाएकाे छ । त्यसैगरी शिवराज नगरपालिका पशु शाखा प्रमुख धानेश्वर खनाल र लेखनाथ खनाल लगायतले कार्यक्रमलाई सम्बाेधन गरेका थिए ।
