कपिलवस्तु – प्रतिनिधि सभा सदस्य सांसद मंगल प्रसाद गुप्ताले शिवगढी क्षेत्रको विकासको लागि आफु तप्पर रहेको बताउनु भयो । आज नेपाल कम्युनिस्ट पार्टीको ७५औं स्थापना दिवसको अवसरमा शिवराजनगर पालिका ९ शिवगढिमा नेकपा एमाले वडा कमिटिको आयोजना गरेको कार्यक्रमलाई सम्बोधन गर्दै निर्वाचन क्षेत्रका मतदाताबाट कहिल्यै पनि टाढा नहुने बताउँदै सधैँ जनताकै साथमा रहेर चुनावको बेला जनतामाझ गरेका प्रतिबद्धता पूरा गर्न इमान्दारिताका साथ आफू सक्रिय भएर लाग्ने बताउनु भयो ।
साथै कार्यक्रममा उहाँले यस क्षेत्रका अत्यावश्यक विकासे योजना लिपबिद्ध गरेर आफुलाई दिन समेत माग गर्नु भएको छ । नेपाल कम्युनिस्ट पार्टीको ७५औं स्थापना दिवसको अवसरमा आगोजित कार्यक्रमलाई सम्बोधन गर्दे एमाले प्रदेश कमिटी सदस्य नेत्र राज अधिकारीले एमाले पार्टीले समृद्ध नेपाल, सुखी नेपालीको लक्ष्य प्राप्ति गर्न खोजेको बताउनु भयो । परिवर्तन विकासको लागि एमालेले अग्रपंतिमा रहेर बताउनु भयो । शिवगढ ियस क्षेत्रको पहिचान भएकाले यस क्षेत्रको विकासमा एमाले सधै लाग्ने बताउनु भयो ।
नेकपा एमाले शिवराज वडा न ९ को वडा कमिटीले समग्र शिवगढीको सुन्दरी डाडा देखि धनखोला समेटिने गरि अति आवश्यक पुर्वधार बिकासका मागहरु लिखितमरुपमा सांसद गुप्तालाई पेस गरेको छ । कम्युनिस्ट पार्टी स्थापना दिवसको सन्दर्भ पारेर आज आयोजित कार्यक्रममा पार्टीको जनबर्गीय संगठन युवा र किसान संघ गठन गरेको सचिब पदम सुनारले जानकारी दिनु भयो ।
जसमा राष्ट्रिय युवा संघ नेपालको अध्यक्षमा अतित पुन र अखिल नेपाल किसान संघको अध्यक्षमा दुर्गा जैशी लाई निरबिरोध रुपमा चयन गरेको छ । कार्यक्रम वडा कमिटी अध्यक्ष अशोक मल्लको अध्यक्षता र सचिब पदम सुनारको सन्चालमा सम्पन्न भएको थियो ।
