कपिलवस्तु- पेशागत महासंघ शिवराज नगर कमिटीको शुभकामना आदान प्रदान कार्यक्रम सम्पन्न भएको छ । पेशागत महासंघ शिवराज नगर कमिटी , नेपाल राष्ट्रिय शिक्षक संगठन, राष्ट्रियस्वास्थ्यकर्मी महासंघ नगर कमिटीर नेपाल निजामती कर्मचारी संगठनको को संयुक्त आयोजनामा विजया दशमी , शुभ दिपावली तथा छठ पर्व २०८० को उपलक्ष्यमा शुभकामना आदान प्रदान कार्यक्रम सम्पन्न भएको हो ।
कार्यक्रममा बोल्दै प्रमुख अतिथि नेकपाल एमालेका लुम्बिनी प्रदेश सदस्य अर्जुन के सी आफनो पेशा प्रति प्रतिबद्ध रहेर कर्ममा लाग्नु पर्ने बताउनु भयो । उहाँले संस्कृतिकको संक्षण गर्दै चाडबाड तडकभडम रहित मनाउनु पर्ने बताउनु भयो ।
उहाँले सम्पूर्ण नेपालीहरुको महान पर्व विजया दशमी, दीपावली, छठ, लगायतको पर्व उपलक्ष्यमा सम्पूर्णमा शुभकामना व्यक्त गर्नुभएको थियो । आफनो फाईदाको लागि मात्रै पेशागत संगठन आवद्ध भएर मात्रै नहुने उल्लेख गर्दै कर्मचारीहरूलाई सांगठनिक रुपमा खुलेर अगाडी बढ्नु पर्ने बताउनु भयो ।कार्यक्रममा एमाले कपिलवस्तु जिल्ला सचिव चन्द्र बहादुर गहतराजले आफ्नो पेशालाई मर्यादित बनाउन आग्रह गर्नु भयो ।
समस्या भएको खण्डमा छलफलको माध्यमबाट समस्या समाधान खोजिने सक्ने भन्दै पेषागत संगठन अगाडि बढ्नु पर्ने बताउनु भयो । कार्यक्रममा पेशागत महासंघ जिल्ला कमिटीका बाबुराम शर्मा, एमाले शिवराज नगर कमिटी अध्यक्ष जगत पौडेल ,उपाध्यक्ष महादेव पोखरेल , शिवराज नगरपालिका वडा नम्बर ३ का वडा अध्यक्ष टेकलाल सापकोटा, नेपाल राष्ट्रिय शिक्षक संगठनका पुर्व नगर अध्यक्ष शिवराज सुवेधलगायतले शुभकामना ब्यक्त गर्नु भएको थियो ।
पेशागत महासंघ शिवराजका अध्यक्ष विष्णु क्षेत्रीको अध्यक्षतामा सम्पन्न भएको कार्यक्रममा नगर भित्र रहि विभिन्न पेशामा आबद्ध पेशाकर्मिले आ आफ्नो धारणाहरु राख्दै शुभकामना आदान प्रदान गर्नु भएको थियो ।
