कपिलवस्तु-कपिलवस्तुको शिवराज नगरपालिका वडा नं ४ बरगदवामा रहेको कृषक समुहलाई रकम हस्तान्तरण गरिएको छ ।
सिद्धार्थ सामाजिक विकास केन्द्र कपिलवस्तु र एक्सन एड् नेपालको संयुक्त साझेदारीमा तथा शिवराज नगरपालिकाको सहकार्यमा सञ्चालित स्थानिय अधिकार कार्यक्रमबाट रु ५० हजारको चेक हस्तान्तरण गरिएको वडा अध्यक्ष नसिम अहमद खाँले जानकारी दिनुभयो ।
उक्त रकम स्थानिय अधिकार कार्यक्रमका सहजकर्ता हकिकुल्ला शाहले वडा अध्यक्षको रोहवरमा बरगदवा कृषक समुहको अध्यक्ष आतिकुर रहमान धोबिलाई प्रदान गरेका हुन ।
आइतबार वडा कार्यालयमा उक्त रकम हस्तान्तरण गरिएको हो । सो रकम दिने संस्थालाई धन्यवाद दिदैँ उक्त रकम कृषिको अति महत्वपुर्ण कार्यमा खर्चिने बरगदवा कृषक समुहको अध्यक्ष आतिकुर रहमान धोबीले बताउनु भयो ।
