कपिलवस्तु -महिनौ देखि क्याम्पस प्रमुख विहिन रहेको नेपाल आदर्श बहुमुखि क्याम्पसले क्याम्पस प्रमुख पाएको छ । आज भएको क्याम्पस प्रमुख पदको छनौट परिक्षाबाट वाणगंगा निवासी शन्त प्रसाद भुसाल चयन हुनुभएको छ । नेपाल आदर्श बहुमुखि क्याम्पसमा क्याम्पस प्रमुख छनौट परिक्षाबाट भुसाल क्याम्पस प्रमुखमा चयन भएको क्याम्पस संचालक समिति अध्यक्ष लंक बहादुर हमालले जानकारी दिनु भयो ।
रिक्त रहेको क्याम्पस प्रमुख पदका लागि ४ जनाको आवेदन परेकोमा सन्त प्रसाद भुसाल ,शरोज कुमार पौडेल र कृष्ण श्रेष्ठ परिक्षामा सामेल हुनु भएको थियो । साथै सफल उम्मेदवारलाई ५ दिन भित्र क्याम्पसमा उपस्थित भई नियुक्ति लिन पनि संचालक समितिले आग्रह गरेको छ ।
क्याम्पस प्रमुखको रुपमा चयन हुनुभएका भुसालले आफ्नो कार्यकाल कुशलतापूर्वक जिम्मेवारी निर्वाह गर्ने बताउनु भएको छ ।स्नातक तहमा शिक्षा तथा व्यवस्थापन संकाय र हालै स्नातकोत्तरको कक्षा समेत अध्ययन हुँदै आएको नेपाल आदर्श क्याम्पस जिल्लाकै महत्वपूर्ण क्याम्पस हो ।
