कपिलवस्तु-कपिलवस्तुको विजयनगर गाउँपालिकामा २६ गते बुधबार नेपाल कम्युनिष्ट पार्टी (एमाले) का अध्यक्ष तथा पुर्व प्रधानमन्त्री केपी शर्मा ओली आउनु अुने भएको छ ।
गाउँपालिकाको वडा नम्बर ६ बद्दौरमा निर्माण भएको १५ शैय्या अस्पतालको भवन उद्घाटन गर्न एमालेका अध्यक्ष ओली आउन लागेको गाउँपालिका अध्यक्ष गोपाल बहादुर थापाले जानकारी दिनु भयो ।
अस्पतालको भवन उद्घाटनको लागि तयारी भई सकेको बताउँदै २६ गते बुधबार बिहान ८ बजे ओेलीद्वारा उद्घाटन गरिने कार्यक्रम तय भएको अध्यक्ष थापाले बताए । अस्पतालको भवन उद्घाटन पश्चात विस्तारै आवश्यक व्यवस्थापन गरि सेवा सुचारु गरिने उहाँले बताउनु भयो । ओली नेतृत्वको सरकारको पालामा ओलिले एकैचोटि ३ सय ९६ पालिकामा एकसाथ ५ देखि १५ बेडसम्मका अस्पतालको शिलान्यास गर्नु भएको थियो ।
विजयनगर अस्पताल १८ करोड १६ लाखको लगानीमा निर्माण भएको हो । सरकारले प्रत्येक स्थानीय तहमा १५ शैय्याको अस्पताल सञ्चालनमा ल्याउने योजना अनुसार ग्रामीण क्षेत्रमा स्वास्थ्य सेवा दिनका लागि सरकारले अवधारणालाई अघि बढाएको थियो ।
