दुर्घटनामा परेर ७ वर्षीया अनुस्का पन्थीको टाउकोमा चोट लागेको छ भने २४ वर्षीया अनिता परियारको निधार र हातमा चोट लागेको छ। त्यस्तै, ४२ वर्षीया गीता आचार्यको ढाडमा, २६ वर्षीया विष्णु थापाको कान र खुट्टामा, १७ वर्षीया दिक्षा पौडेलको टाउकोमा, २४ वर्षीया कमला अधिकारीको हातमा, र ४० वर्षीया सावित्रा विकको मुख र खुट्टामा चोट लागेको छ। जीपका चालक, ४१ वर्षीय चुरा बहादुर खत्रीको छातीमा चोट लागेको छ।
उक्त जीप ५ जनाको क्षमताको भए पनि दुर्घटनाको समयमा ११ जना सवार रहेको जानकारी प्राप्त भएको छ। जीप ठाडामा बिहान ९:२५ बजे दुर्घटना भएको थियो। दुर्घटनामा घाइते भएका सबैलाई तत्कालै नजिकको स्वास्थ्य चौकीमा उपचारको लागि पठाइएको छ।
