ललितपुर – आज शनिबार कुसेऔंसी मनाइरहँदा कतै कुश हाहाकार र कतै धमाधम कुशकै व्यापार भइरहेको छ ।देव तथा पितृकार्यमा प्रयोग गरिने पवित्र कुशको व्यापार बढ्दै गएको छ । कतै विभिन्न कारण ब्राह्मणले कुश उत्पादन गर्न नसक्दा किन्नुपर्ने बाध्यता छ । गाउँघरमा उत्पादन भएका कुश पछिल्लो समय बजारसम्म ल्याएर बेच्ने चलन छ ।
विशेषगरी काठमाडौं कालीमाटी तरकारी बजारमा कुशे औंसीको अघिल्लो दिनदेखि नै कुश बेच्नेको ठेलमठेल देखिन्थ्यो । ठ्याक्कै तरकारी बजारभित्र नभएर गेटबाहिरको फुटपाथमा कुशका कल्ली, मुठा र भारी नै बढी राखिएका भेटिए ।
नुवाकोट र धादिङका विभिन्न स्थानबाट बिहीबार रातिबाटै भारीका भारी कुश लिएर बेच्न लागेका थिए । नुवाकोट बेलकोटगढी नगरपालिकाका बेलकोट, रातमाटे, धादिङ गल्छी, महादेवस्थानलगायत स्थानबाट आएका कृषकदेखि बिचौलियासम्मको कुश बेच्न शुक्रबार बिहानैदेखि चहलपहल थियो ।
यो समाचार आजको राजधानी दैनिकमा प्रकाशित छ ।
