कपिलवस्तु-९ औं राष्ट्रिय खेलकुद प्रतियोगिताको लागि कपिलवस्तुका तिन जना खेलाडि छनौटमा परेका छन।प्रदेश खेलकुद परिषद् लुम्बिनीको आयोजनामा आइतबारदेखि सुरु भएको लुम्बिनी प्रदेशस्तरीय विभिन्न विधामा भएको छनौटबाट सितोरिया कराते खेलको लागि बुद्ध शक्ति डोजो कपिलवस्तु शिवराज नगरपालिकाका रबिन्द्र सुनार ,ताजेन्द्र घर्ती मगर र खुमबहादुर खाम्चा मगर छनौटमा परेको बुद्ध शक्ति डोजो कपिलवस्तुका प्रमुख रामु सुनारले जानकारी दिनु भयो ।
एथलेटिक्स, ब्याडमिन्टन, टेबल टेनिस, क्रिकेट, फुटबल, टेनिस, हक्की, बक्सिङ, भलिबल, जिमन्यास्टिक, कबड्डी, भारत्तोलन, सुटिङ, पौडी, ह्याण्डबल, जुडो, कुस्ती, सफ्ट टेनिस, स्क्वास, तेक्वान्दो, उसु, बास्केटबल, शारीरिक सुगठन, बुद्धिचाल, खो खो, कराते, फुटबल, फुल कन्ट्याक्ट कराते, आईटिएफ तेक्वान्दो, सेपाकताक्रो, गल्फ, आर्चरी, साईक्लिङ, फेन्सिङ, ट्रायथलन र प्याराग्लाइडिङ छन् । खेलमा भएको छनौट लुम्विनी प्रदेशका विभिन्न जिल्लमा भएको छ।
‘एकताबद्ध देश, खेलकुदको सन्देश’ भन्ने मुलनारा सहित सुरु हुने नवौं राष्ट्रिय खेलकुद प्रतियोगिता २८ असोजमा पोखरा रंगशालामामा उद्घाटन हुने छ ।
