कपिलवस्तुको शिवराज नगरपालिका प्रमख अजय थापा किसानको खेतबारीमा पुगेका छन । नगर प्रमुख ,नगर कृषि संयोजक, कृषि शाखा प्रमुख लगायत टिम अनुमगनका लागी किसानको खेतबारीमा नै पुगेका हुन ।
नगरपालिकाको वडा नं. १ मा सामुहिक खेति गर्दै आएका किसानको बारीमा पुगी नगरप्रमुख थापा सहतिको टिमले अनुगमन गरेको नगर कृषि संयोजक एवम् वडा नं. ५ का वडा अध्यक्ष नेत्रराज बेल्वासेले बताए । बनकट्टामा ३५ जना किसानहरुले सामुहिक रुपमा गर्दै आएको कृषिको अनुगमन गरिएको नगर प्रमुख थापाले बताए । नगरपालिकाले सामुहिक कृषि गर्नेलाई अनुदान कार्यक्रम रहेकोले सामुहिक खेतिको अनुगमन गरेको बताए ।
नगर प्रमुख सहितको टिमले ऋग्वेद कृषि फर्मको समेत अनुगमन गरेको छ । नगरमा फुलको खेति गर्दै आएको ऋग्वेद कृषि फर्ममा सूर्यमूखि फुलको उत्पादन सुरु गरिएकोले फर्मका संचालक युवा उद्यमीलाई प्रोत्साहन गर्न फुलबारीको अनुगमन समेत गरिएको नगरप्रमुख थापाले बताए ।
