नेपालगन्ज — बाँकेको कोहलपुर–१३ मा एक दम्पती झुन्डिएको अवस्थामा मृत फेला परेका छन् । कोहलपुर नगरपालिका–१३ का ६० वर्षीय डम्बर बोहरा र उनकी श्रीमती ५७ वर्षीया पार्वती बोहरा घर नजिकैको रुखमा झुन्डिएको अवस्था मृत फेला परेका हुन् ।
गत ८ गतेबाट हराइरहेका उनीहरु आइतबार मध्याह्न कोहलपुर–१३ को सिम्रीको झाडीमा झुन्डिएको अवस्थामा मृत फेला परेको इलाका प्रहरी कार्यालय कोहलपुरका प्रमुख डीएसपी ऐनबहादुर मल्लले बताए ।
शवको प्रकृति हेर्दा आधारमा केही दिन पहिले नै मृत्यु भएको हुन सक्ने प्रहरीले अनुमान गरेको छ ।घटनाका सम्बन्धनमा थप अनुसन्धान भइरहेको प्रहरीले जनाएको छ ।
