नेपाल नेत्रज्योति संघ,आँखा स्वास्थ्य कार्यक्रम राप्ती तथा बहादुरगन्ज अन्तर्गत संचालित छन्द( कालेबाबु) नारायणी आँखा अस्पतालले भात बहादुर साग बहादुर,जलबिन्दुका लक्षण,आँखामा औसधि लाउने तरिका,मोतिबिन्दु आदिको बारेमा लेखिएका सुचनामुलक पोस्टरहरुको प्रदर्शनी र अस्पतालबाट प्रबाह हुने सेवाहरुको बारेमा लेखिएका पम्प्लेट सेवाग्राहीलाई महोत्सवमा बितरण गरेको छ ।

साथै महोत्सवमा आएका आँखा जाँच गराउन इच्छुक सेवाग्राहीहरुलाइ निशुल्क आँखा जाछ र परामर्श दिइएको अस्पतालका प्रशासकीय अधिकृत जसराज बिश्वकर्मा जानकारी दिनु भयो । सो क्रममा भेटिएका मोतिबिन्दुका बिरामिहरुलाइ दातृ निकायको सहयोगमा अस्पतालमा निशुल्क अप्रेसन गरिने समेत उहाँले जानकारी दिनु भयो । महोत्सवको पहिलो दिन नेत्र सहायक सरिता परियार र ल्याब टेक्निसियन देबराज शर्माले सेवा दिनु भएको थियो ।आँखा स्वास्थ्य सचेतिकरणका लागि महोत्सव अवधीभर आयोजकले निशुल्क स्टलको ब्यवस्था गरिदिएको छ ।