कपिलवस्तु-नेकपा (एमाले) का प्रभावशाली नेता तथा पूर्वमन्त्री महेश बस्नेतले अहिले नेपाली राजनीतिमा दलाल पुँजीवादी शक्ति हाबी भएको भन्दै समाज परिवर्तनको लागि संघर्ष गर्नु आवश्यक रहेको बताउनु भयो ।
राष्ट्रिय युवा संघ नेपालका इन्चार्ज समेत रहनु भएका बस्नेतले शिक्षित र दक्ष युवालाई पार्टी तथा संगठनको विशेष जिम्मेवारी प्रदान गरेर एमाले अगाडी बढ्ने बताउनु भयो । युवा संघ शिवराज नगर कमिटी र अखिल नेपाल राष्ट्रिय स्वतन्त्र विद्यार्थी युनियन शिवराज नगर समितिले संयुक्त रुपमा आयोजना गरेको परिचयात्मक कार्यक्रमलाई सम्बोधन गर्दै पार्टि प्रतिको लगाव योग्यता र क्षमताको आधारमा युवाले पार्टीमा उचित जिम्मेवारी पाउने समेत बताउनु भयो ।
सिद्धार्थ लुम्बिनी ग्रिन रिसोर्ट शिवराज २ वालापुरमा भएको उक्त कार्यक्रममा राष्ट्रिय युवा संघ नेपालका उपाध्यक्ष अमित लामा, महासचिव सुमन पुरी , सचिव खेम शर्मा, प्रदेश संयोजक प्रितम पौडेल,एमाले जिल्लाकमिटी सदस्य टोपलाल पोखरेल, एमाले शिवराज नगर कमिटी उपाध्यक्ष महादेव पोखरेललगायतका नेताहरुको आतिथ्यता रहेको कार्यक्रम राष्ट्रिय युवा संघ नेपाल शिवराज नगर कमिटी अध्यक्ष विष्णु हमालको अध्यक्षतामा सम्पन्न भएको थियो ।
एमाले नेता तथा कार्यकर्ता तथा युवा संघ शिवराज नगर कमिटीका नेता एवम अखिल नेपाल राष्ट्रिय स्वतन्त्र विद्यार्थी युनियन शिवराजका नेताहरुको भब्यय स्वागतमा कार्यक्रम भएको हो ।
